Jaro, Iloilo City: Apat ka drug den, ginwasak sang mga otoridad!

By: Aine Grace Bravo

Apat ka drug dens nga ginapanag-iyahan sang kilala nga drug personalities sa syudad ang gin-wasak sang mga katapo sang Philippine Drug Enforcement Agency, City Anti-Illegal Drugs Special Operations Task Force, kag ICPO Special Weapons and Tactics kahapon.

Kabahin ini sang serye sang saturation drive sang PDEA nga naga-target sang drug haven sang mga drug group leaders. Sa apat ka drug dens, tatlo diri ang nahamtang sa Desamparados, Jaro nga gin-alegar ginapanag-iyahan ni Rodson Obapial. Nakuha diri ang sachets sang suspected shabu kag pila ka drug paraphernalia pareho sang aluminum foil, plastic sachets kag tooter.

Ginrumpag man sang kapulisan ang drug den sa Bakhaw, Mandurriao matapos nakita nga wala sang may naga-istar. Suno kay PDEA 6 Director Paul Ledesma, pasakaan sang kaso nga maintenance of drug den si Obapial nga nagapabilin nga at-large.