Iloilo City: Pila ka ordinansa sa syudad, ginsuspender sa tiun sang Dinagyang Festival

By: Aine Grace Bravo

Ginsuspender sang Sangguniang Panlungsod ang implementasyon sang pila ka ordinansa sa tiun sang Kasadyahan kag Dinagyang Festival.

Katuyuan sini suno kay Kagawad Plaridel Nava nga ma-enjoy sang mga pumuluyo, mga local kag foreign tourists ang kahiwatan. Lakip sa mga ginsuspender ang pagpatuman sang On-Road Parking kag Anti-Liquor Ordinance. Hugot naman nga ipatuman suno sa konsehal ang Anti-Prostitution, Anti-Smoking kag Anti-Littering ordinances.

Gin-athag ni Nava nga indi na kinahanglan magpasar sang ordinansa ang konseho agud suspenderion ang pila ka city ordinances. Ini bangud may probisyon sa ordinansa nga pwede ma-relax ang implementasyon kon may mga espesyal nga okasyon.