Iloilo: Italian government, naghatag sang dugang nga bulig para sa mangunguma kag mangingisda nga na-apektuhan sang Supertyphoon Yolanda

By: Aine Grace Bravo

Nagpasalamat ni Gov. Arthur Defensor sa Italian government sa dugang nga bulig nga ginhatag para sa mga mangingisda kag mangunguma nga na-apektuhan sang Supertyphoon Yolanda.

Kapin sa 500 mil dolares ukon 21 milyones pesos ang ginhatag sang Italian government sa Iloilo matapos nagpirma sang memorandum of agreement sanday Gov. Defensor kag Italian Ambassador to the Philippines Massimo Roscigno.

Suno kay Roscigno, ang livelihood assistance ibakal sang equipment pareho sang traktura kag rice thresher sang mga mangunguma nga na-apektuhan sang bagyo ang palangabuhian.