Antique: Vice Gov. Rhodora Cadiao, nagsumpa nga goberndor; Gov. Exequiel Javier, nagbalibad nga magpanaug sa pwesto!

By:Aine Grace Bravo

Nagsumpa bilang gobernador sang Antique si Vice Governor Rhodora Cadiao matapos gin-disqualify sang Commission on Elections si Governor Exequiel Javier bangud sa paglapas sang Omnibus Election Code.

Suno kay Cadiao, ginbasehan niya sa pagsumpa ang tawag ni Comelec Chairman Sixto Brillantes kag nagpahibalo nga wala naka-isyu sang temporary restraining order (TRO) ang Korte Suprema gani final kag executory na ang writ of execution nga ginpaguwa sang komisyon. Ginpahayag suno sa iya ni Brillantes nga sa tiun may gin-isyu na nga writ of execution ang Comelec, ang TRO lang halin sa Korte Suprema ang makapugong sa iya pagpungko bilang gobernador.

Apang ginpanindugan ni Governor Javier nga siya gihapon ang gobernador bisan naka-isyu sang writ of execution ang Comelec kag nakasumpa si Cadiao. Suno kay Javier, may gin-file siya nga petition sa Korte Suprema para sa TRO kag may 10 ka adlaw suno sa iya ang Comelec nga magsabat sa petition rason nga indi pa makapungko bilang gobernador sang probinsya si Cadiao.