Concepcion, Iloilo: 1 patay 2 pilason sang nabungguan sang truck ang motorsiklo

By: Aine Grace Bravo

Isa patay kag duha ang pilason matapos nabungguan sang truck ang motorsiklo sa Concepcion kahapon.

Gindala pa sa ospital si Efren Tejada, 53-anyos sang Brgy. Aglusong apang wala na natabangan. Padayon naman nga ginabulong sa Western Visayas Medical Center si Jose delos Santos nga napilasan sa ulo nga ginpahayag kritikal ang kondisyon. Samtang estable ang kondisyon ni Robilito Herrea, driver sang motorsiklo nga padayon nga ginabulong sa Sara District Hospital.

Ang tatlo ka biktima ang lunsay sakay sa motorsiklo.