Iloilo City: Kapulisan sa syudad kag probinsya, naghiwat sang Sympathy Walk para sa ginbansagan nga “Fallen 44”!

By: Jocelyn Gelloagan-Maque

Naghiwat sang Sympathy Walk subong nga aga ang kapulisan sa syudad kag probinsya sang Iloilo para sa mga ginpatay nga miembro sang PNP Special Action Force (SAF).

Ginpangunahan ni Police Regional Office (PRO) 6 Director Josephus Angan ang Sympathy Walk halin Plazoletagay pakadtu sa Campo Delgado sa diin ginhiwat ang misa.

Ginpangunahan man kahapon ni IPPO Director Seniro Supt. Cornelio Salinas ang programa para sa ginbansagan nga “Fallen 44” sa provincial headquarters kaupod ang mga aktibo kag anay miembro sang SAF sa Isla sang Panay.

Ginpanawagan sang mga ini ang hustisya para sa ila mga napatay nga kaupod.