Iloilo City: Isa pa ka hearing sa ginaalegar tuklu-anay sa Iloilo Terminal Market, hiwaton sa masunod nga semana!

By: Jocelyn Gelloagan-Maque

Mapatawag sang isa pa ka hearing ang Committee on Markets and Slaughterhouse sang City Council may kaangtanan sa ginaalegar tuklo-anay sa Iloilo Terminal Market.

Gin-athag ni Kagawad Plaridel Nava, vice-chairman sang komitiba, posible hiwaton sa masunod nga semana ang hearing agud hatagan pagtamud ang bag-o nga affidavit ni Emmalene Diana, anay administration officer sang Local Economic Enterprise Office (LEEO).

Sang Enero 21 lang suno sa konsehal ginpadala ni Diana ang affidavit nga naga-unod sang bag-o nga expose angut sa isyu.

Nabutang diri suno kay Nava ang dugang nga pangalan sang mga casual kag permanent employees sang syduad nga involved sa anomaliya kag ang kantidad nga nakolekta kada adlaw.