May 23, 2022

Antique: Writ of Execution sang COMELEC nga nagadeklarar nga bakante ang posisyon ni Governor Exequiel Javier, gin-serbi na sang DILG 6; Vice Gov. Rhodora Cadiao, pormal na nga nagpangalagad bilang gobernador sang probinsya

Read Time:49 Second

By: Jocelyn Gelloagan-Maque

Na-athagan na ang mga pumoloyo sang Antique kon sin-o nga gobernador ang ila kilalahon.

Ginkilala nga gobernador si Vice Governor Rhodora Cadiao matapos ginserbe sang Department of Interior and Local Government (DILG) 6 ang Writ of Execution kay Governor Exequiel Javier kaina sang aga.

Ginpahayag ni DILG 6 Director Anthony Nuyda nga wala sang nagbatun sang Writ of Execution kag ginpakamaayo nga ginpaskil sa pwertahan sang opisina ni Javier ang dokumento.

Ginserbi sang DILG 6 kag Commission on Elections (COMELEC) 6 ang Writ of Execution matapos napaslawan si Javier nga makakuha sang temporary restraining order (TRO) sa Korte Suprema.

Nagluntad ang tensyon sa Antique sang nagligad nga semana tubtub kahapon bangud wala sang gana nga maghalin sa pwesto si Javier, samtang ginpanindugan naman ni Cadiao ang order sang COMELEC nga naga-disqualify sa gobernador.

Nagpaguwa sang disqualification order ang COMELEC kay Javier matapos ginsuspender si Valderrama Mayor Joyce Roquero sang Enero 2013 nga paglapas sa Omnibus Election Code.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Incumbent Barangay Kagawad kag ginpahayag hinablos sang anay alkalde sang Banate, dakop sa drugbust operation sang PDEA 6!
Next post Iloilo City: 19 ka resource persons, ipatawag sa isa pa hearing sang Committee on Markets and Slaughterhouse angut sa ginaalegar tuklo-anay sa Iloilo Terminal Market!