Pototan, Iloilo: Pagpangimon, ginatudlo rason sang pagbuno sang lalaki sa iya karibal sa pagpangaluyag

By: Aine Grace Bravo

Naakig ang lalaki matapos nga nasugata ang karibal sa ginapangaluyagan sa Barangay Iwa, Pototan kagab-i.

Ginpahayag nga nagpangimon si Joel Abilanggo kay Rolly Trabado. Suno kay SPO4 John Pasaporte sang Pototan Police Station, nagmaoy ang suspek sa guwa sang balay ni alyas Vanessa matapos nahibaluan nga nagpamasyar si Trabado.

Sang naguwa si Trabado sa balay ni Vanessa, ginbuno ini sang suspek sa dughan kag likod. Padayon nga ginabulong sa Western Visayas Medical Center si Trabado samtang nagpalagyo ang suspek.