Guimaras: Pastor, liwat nga nagpa-blotter matapos nabatian ang lupok sang pusil malapit sa iya balay

By: Aine Grace Bravo

Liwat nga nagpa-blotter sa Jordan Police Station ang pastor sang Jesus Disciples Church sa Barangay Alaguisoc, Jordan, Guimaras.

Nagpa-record sa police si Pastor Ed Casidsid matapos nabatian ang lupok sang pusil sang nakaligad nga gab-i halin sa mga ginapatihan sakay sa motorsiklo. Nagapati si Pastor Casidsid nga siya gihapon ang target sang amo nga pamahog bangud sang iya mabaskog nga kampanya kontra illegal nga druga.

Sang damlag lang, nagpablotter man sa police si Pastor Casidsid matapos ginhaboy sang bato ang simbahan. Ang amo nga bato naputos sa papel upod ang bala sang 38-kalibre nga pusil kag may nasulat pa nga nagapamahog nga malapit na lang siya mapatay.