Iloilo City: Pagpahamtang sang Centralized Transport Terminal, ginakonsiderar ni Kagawad Plaridel Nava!

By: Jocelyn Gelloagan-Maque

Gina-konsiderar ni Kagawad Plaridel Nava ang pagpahamtang sang Centralized Transport Terminal.

Pahayag ini sang konsehal bangud sa mga reklamo nga nabaton batuk sa mga Perimeter Boundary Terminals pareho sang mabaho kag ginapabayaran nga kasilyas, laputyak kon mag-ulan kag yab-ukon kon tag-ilinit.

Suno kay Nava, madugay na gina-istoryahan ang pagbutang sang Centralized Terminal apang wala na-materialize.

Nagpaandam si Nava nga posible madayon ang plano kon may kapasidad ang syudad kag kon padayon nga magpakatig-a ang mga transport terminal operators nga kaayuhon ang ila facilidad.