Barotac Nuevo: Number 1 kag Number 2 drug personalities, nadakpan sa buybust operation!
By: Jocelyn Gelloagan-Maque
Nadakpan na ang Number 1 kag Number 2 drug personalities sa Barotac Nuevo.
Nadakpan sa buybust operation sang Barotac Nuevo PNP sanday Cecero Kapunan, Emanlie Berber kag Rocky Jan Billena sang Barangay Lagubang.
Ginpahayag ni Senior Inspector Sollen Domingo sang Barotac Nuevo PNP nga nakuha kay Kapunan ang duha ka suspected elongated sachet sang shabu.
Nakuhaan man si Berber sang 8 ka plastic sachets sang suspected shabu kag 500 pesos nga marked money.
Gin-athag ni Domingo nga si berber ang ila main target nga arestuhon kag natabo-an nga yara man sanday Kapunan kag Billena.
Si Kapunan ang ginakabig nga number 1 sa listahan sang police kag number 2 naman si Berber nga nagabaligya sang illegal nga druga sang Barotac Nuevo.
Makaduha na ka beses nga nadakpan si Kapunan apang nakaguwa sa presohan bangud bailable ang kaso nga ginpasaka batuk sa iya.