Janiuay: Suspek nga nagpangawat kag nagbuno sa duha ka bantay sang panaderia, nakita nga nagsakay sa motorsiklo nga wala sang plaka base sa nakuha nga CCTV footage!

By: Jocelyn Gelloagan-Maque

Indi grupo ang nagpangawat sa panaderia sa FY Armada Street, Janiuay kaina sang kaagahon.

Ginapatihan ni Police Inspector Kenneth Bermejo, OIC sang Janiuay PNP nga isa lang ang suspect nga nagsulod sa Panaderia sa Panay kag nagpang-ukay sang kagamitan.

Ginpahayag ni Bermejo nga napierde sa sugal ang suspect kag nagpamentaha lang sang panahon sang nakita nga nagakatulog ang duha ka bantay sang panaderia.

Nabun-an ang mga bantay sang panaderia sang nabugtawan nga nagapang-ukay sang kagamitan ang suspect.//

nakit-an sa CCTV camera suno kay bermejo ang suspect nga nagpalagyo sakay sa motorsiklo nga nagadu-ag sang pula kag puti nga wala sang plaka.//

Patay ang bantay sang panaderia nga si Jorlyn Jalipa, 21-anyus sang Aquino Street, Janiuay samtang napilasan naman sa likod kag tiyan ang 17-anyus nga si alyas Rosalie kag padayun pa nga ginabulong sa West Visayas State University Medical Center.