Estancia: 15-anyos nga lalaki nga ginapatihan runner sang drug personality, naaresto!

By: Jocelyn Gelloagan-Maque

Nadakpan sang mga katapo sang Estancia PNP ang 15-anyos nga solterito nga ginpahayag runner sang drug personality sa nasambit nga banwa.

Nakuha sa solterito ang duha ka plastic sang suspected shabu, duha ka improvised canister kag disposable lighter.

Ginpahayag ni Chief Inspector Lorenes Losaria, hepe sang Estancia PNP nga gintawgan sila sang informant nga makaduluda ang hulag sang solterito sa KTV bar sa Barangay Zone 2 kabangdanan nga ila ginpadulongan ang lugar.

Ginturn-over ang menor de edad sa Department of Social Welfare and Development ( DSWD) matapos nadakpan.