Guimaras: 15 ka tricycle driver, nasampolan sa una nga adlaw sang implementasyon sang Zoning Ordinance sa Buenavista!

By: Jocelyn Gelloagan-Maque

Kinse ka mga driver sang tricycle ang nadakpan sa una nga adlaw sang implementasyon sang Zoning Ordinance sa Buenavista, Guimaras.

Kadam-an sa mga nadakpan suno kay Senior Inspector Ethan Estaya sang Buenavista PNP ang kulang ang papeles samtang may nadakpan man nga mga driver sang motorsiklo bangud wala nagasuksuk sang helmet.

Magluwas sa pag-tsekyar sang mga papeles, ginadakop man ang driver sang tricycle nga nagapick-up sang pasahero sa national highway.

Ang ordinansa ginpasar ni Sangguniang Bayan Member Raquel Sambas, chairperson sang Committee on Transportation.