Iloilo City: 8 ka empleyado sang syudad nga ginrekomendar kasuhan may kaangtanan sa anomaliya sa Iloilo Terminal Market, luyag sang mga vendors nga ma-convict

By: Aine Grace Bravo

Luyag nga ma-convict sang mga vendors sa Iloilo Terminal Market ang walo ka mga empleyado sang syudad nga gintudlo may responsibilidad sa tuklo-anay sa merkado.

Suno kay Mr. Dante Manggalisan, presidente sang vendors association sa Iloilo Terminal Market, hustisya para sa ila kon ma-convict sa kaso sanday City Administrator Norlito Bautista kag pito pa ka iban nga nadalahig sa anomaliya. Dapat maghalin suno sa iya sa trabaho nga wala sang benepisyo ang mga empleyado nga may mamag-an sang kaso samtang presuhon naman ang nagapangatubang sang mabug-at nga kaso.

Aminado si Manggalisan nga naluoy man siya sa mga empleyado nga madulaan sang trabaho apang makalulu-oy man ang mga vendors kon magapadayon ang iregularidad sa merkado.