Oton, Iloilo: Police, nagpasiguro nga nagahimo sang paagi agud matapna ang ilegal nga druga sa banwa

By: Aine Grace Bravo

May ginahimo nga counter measures ang Oton police batuk sa pagdata sang illegal nga druga sa banwa.

Kasunod ini sang pahayag ni PDEA 6 Director Paul Ledesma nga ginahimo nga bagsakan sang illegal drugs ang mga first towns. Suno kay Inspector Rey Pabalan sang Oton PNP, nagahimo sila sang barangay monitoring kag ginpa-alerto ang mga Barangay Anti-Drug Abuse Council kontra sa mga illegal drug activities.

Partikular nga gina-monitor sang Oton police ang Barangay Alegre nga malapit sa Arevalo kag mahapos nga agyan sang mga durugista nga naga-transport sang illegal nga druga. Kalabanan sa mga ginadakup nga drug personalities sa Oton naga-ako nga sa syudad sang Iloilo sila nagakuha sang illegal drugs.