Iloilo City: Gwardya, ginholdap sang duha ka lalaki nga nakasakay sa awto!

By: Aine Grace Bravo

Ginhold-up ang gwardya sa atubang sang SM City sa Diversion Road, Manduriao kaina sang kaagahon.

Nagabantay sang salakyan si Security Guard Alquin Palermo sang Cauayan, Negros Occidental apag temporaryo nga naga-istar sa Oton sang ginpodohan sang awto. Ginpahayag nga nagpalapit ang duha ka lalaki nga sakay sang awto kag nagpamangkot pa kay Palermo sang oras antes nagdeklarar sang hold-up.

Armado ang isa sa mga suspek sang kutsilyo. Nakuha sa biktima ang iya wallet nga may unod nga mil 500 pesos kag bag nga may importante nga mga dokumento.

Wala pa nadakpan ang mga suspek.