Pavia, Iloilo: 1 patay 3 pilason sa pagbunggu-anay sang motorsiklo kag taxi!

By: Aine Grace Bravo

Isa patay kag tatlo ang pilason sang nagbunggu-anay ang motorsiklo kag taxi sa circumferential road sa Brgy Ungka, Pavia kagab-i.

Gindala pa sang ospital ang driver sang motorsiklo nga si Jimson Bolevar Parensia, 41-anyos sang Buhang, Jaro apang napatay bangud sang patal nga pilas sa ulo. Pilason naman ang backrider sini nga si Joniel Clarito, 26-anyos sang Sibalum, Antique nga padayon ginabulong sa Western Visayas Medical Center.

Napilasan man ang mag-asawa nga pasahero sang taxi nga ginkilala kanday John Michael kag Ana Tubiano sang Aganan, Pavia nga padayon nga ginabulong sa ospital. Wala naman napilasan ang driver sang taxi.