Passi City, Iloilo: (Update) Negosyante nga gintiro patay sang riding-in-tandem, naka-agum sang 10 ka pilas base sa autopsy result

By: Aine Grace Bravo

Ginpaguwa na ang autopsy result sa bangkay sang negosyante nga gintiro patay sang riding-in-tandem sa Perlas St., Passi City sang nagligad nga semana.

Base ini sa autopsy report ni Dr.Noel Mmartinez, 10 ka pilas sang pagkatiro ang naagum ni George Factora, 61-anyos sang Barangay Tinocuan, Dingle. Santu sa report, lima ka patal nga pilas sa dughan, tatlo sa wala nga butkon kag duha sa kilid ang gintunaan sang kamatayon ni Factora.

Nagasakay sa asul nga Colorado Chevrolet si Factora sang ginpalapitan sang mga suspek kag gintiro. Nakilala na sang Passi City police ang isa sa duha ka suspek apang nagpamalibad nga hingadlan bangud nagapadayon pa ang imbestigasyon sa kaso.