Iloilo City: 34-anyos nga babaye, nagreklamo nga ginpakitaan sang kinatawo sang wala nakilala nga lalaki!

By: Jocelyn Gelloagan-Maque

Nagreklamo ang 34-anyos nga babaye nga ginpakitaan sang kinatawo sang wala sini nakilala nga lalaki sa Mandurriao kagab-i.

Suno kay alyas Inday, nagalakat siya sa subdivision sang nabatyagan nga ginasunod sang suspek.

Sang ginbalikid sini, nakibot ang babaye sang nakita nga bukas ang zipper sang shorts sang lalaki kag gina-uyatan sini ang kinatawo samtang naga-atubang sa iya.

Sa sobra nga kakulba, nagsinggitan si alyas Inday kag nagpalab-ut sang reklamo sa Mandurriao Police Station. Gina-imbestigaran naman sang mga pulis ang identity sang suspek.