Iloilo City: 65 ka wanted persons, nadakpan sang ICPO

By: Aine Grace Bravo

Naglab-ut na sa 65 ka mga wanted persons ang nadakpan sang Iloilo City Oolice Office (ICPO) halin Enero tubtob Pebrero subong nga tuig.

Suno kay Deputy City Director for Operations kag ICPO Spokesman Supt. Gilbert Gorero, sa 65 nga nadakpan, 15 dire ang most wanted nga nagalakip sang 1 nga ginkabig bilang top 9 sa mga pinaka-wanted nga kriminal sa Western Visayas. Ini suno sa iya bangud sang madinalag-un nga trabaho sang tracker team nga gintukod sang kapulisan.

Nangin mahapos suno sa iya ang pagtultol sa ginapanaguan sang mga kriminal bangud sang tracker team. Magluwas dire, ginpahayag ni Gorero nga daku man ang nabulig sang pumuluyo para madakpan ang mga wanted criminals.