Leganes: Negosyante nga bombay, ginhold-up!

By: Jocelyn Gelloagan-Maque

Kapin sa P1,500 ang nakuha sa bombay nga negosyante sang ginhold-up kaina sang aga sa San Vicente, Leganes.

Suno kay PO2 Leo Barnuevo sang Leganes Police Station, ginkilala ang negosyante kay Sitrit Singh, 20-anyus sang Old Airport, Mandurriao.

Suno kay Barnuevo, gin-ipingan si singh sang duha ka suspect nga nagasakay sa motorsiklo kag gintayaan sang 38 caliber revolver kadungan ang pagkuha sang iya koleksyon.

Pagkatapos sang insidente, madasig nga nagpalagyo ang mga suspetsado.