Molo, Iloilo City: Tigulang nga babaye, patay matapos nabungguan sang salakyan

By: Aine Grace Bravo

Patay ang 62-anyos nga babaye matapos nabungguan sang Hilux sa South Fundidor, Molo kahapon.

Gindala pa sa ospital si Vilma Suliva sang Sooc, Arevalo apang napatay bangud sang pilas sa ulo. Ginpahayag nga gulpi lang nagtabok sa karsada ang biktima kabangdanan nabungguan sang Hilux nga ginadala ni Ronel Belisidario, driver ni Monsignor Rolando Hagisan sang Tigbauan Parish Church.

Nagsurrender sa Molo police ang driver sang pari apang nakaguwa man sa presuhan matapos gin-areglo ang kaso.