Iloilo City: Transport sector, nagahulat sang promisa sang LTO, LTFRB kag DOTC nga amiendaran ang JAO!

By: Jocelyn Gelloagan-Maque

Ginahulat pa sang transport sector ang promisa sang LTO, LTFRB kag DOTC nga amyendaran ang Joint Administrative Order (JAO) 2014-01 nga nagatalana sang mas daku nga multa batuk sa magalapas sang laye, pagsulundan kag kasugtanan nga naga-govern sa land transportation.

Ginpahayag ni Atty. Joseph Go, operator sang Light of Glory taxi, nga nagdayalugo ang tatlo ka ahensya sang gobyerno sa mga stakeholders matapos nagreklamo sa ginpatuman nga polisa.

Nagpromisa suno kay Go ang concerned government agencies nga amyendaran ang mga multa apang wala gihapon sang ginpaguwa nga bag-o nga desisyon tubtob subong.

Naghiwat kaina sang forum sa La Paz ang mga miembro sang transport group sa Western Visayas agud magdihon sang petition batuk sa JAO kag ipadala sa DOTC.