Lapaz, Iloilo City: Ginpahayag kawatan, gintiro sang riding-in-tandem

By: Aine Grace Bravo

Gintiro sang riding-in-tandem ang lalaki sa Brgy. Bantud, Lapaz kaina sang kaagahon.

Ginkilala ang biktima kay Renante Jotis alyas Banag sang Brgy. Nabitasan nga may tatlo ka pilas sa lawas kag kritikal ang kondisyon sa ospital. Nagasakay sa trisikad ang biktima sang gintiro sang mga suspek.

Apat ka basiyo sang 45-caliber pistol ang nakita sang kapulisan sa crime scene. Wala pa sang identity ang Lapaz police sa mga suspek bangud nakasuksok ang mga ini sang helmet. Nakita naman sa record sang police nga madamo sang kaso sang pagpangawat ang biktima.