Iloilo: PMV Gaming Corporation, nagahandum nga makuha ang franchise sa pag-operate sang STL sa probinsya

By: Aine Grace Bravo

Nagdugang sa listahan sang mga gambling firms nga nagahandum mag-operate sang Small Town Lottery (STL) sa probinsya ang PMV Gaming Corporation.

Ginpahayag ni Governor Arthur Defensor nga nakadepende sa Philippine Charity Sweepstakes Office (PCSO) ang pagpili kon sin-o ang maga-operate sang STL sa probinsya. Sang gin-aprubahan sang Sanguniang Panlalawigan ang Resolution of No Objection sa operasyon sang STL sa probinsya sang 2010, nag-apply gilayon ang mga operators nga Around D World Gaming Corp., Fairpoint Marketing Corp., kag Iloilo STL Corporation.

Ang PMV Gaming Corp. ginapamunuan sang presidente nga si Virginia Veloso samtang secretary of the board si Meriam Odicta. Incorporators man sa kompaniya sanday Melvin Odicta sang Delgado St., Barangay Malipayon, Iloilo City; Ma. Layden Panes sang Barangay Cagamutan Norte, Leganes; kag Paolo Lorenzo Coloso sang Barangay Fundidor, Molo.