Iloilo City: Food court attendant sang SM city nga nagbalik sang bag nga may unod nga kuwarta, pasidunggan sang tagdumalahan sang mall!

By: Jocelyn Gelloagan-Maque

Pasidunggan sang SM city management ang food court attendant nga nagbalik sang bag sang 66-anyos nga babaye nga may unod nga kuwarta.

Suno kay SM city Public Information Officer Troy Camarista, indi mabayaran sang kuwarta ang katampad ni Generose Comoda sang Barangay Madarag, Lambunao.

Plano ni Camarista nga ihatag ang Certificate of Commendation kay Comoda kadungan sang flag raising ceremony sang mga opisyal kag empleyado sang City Government sa Lunes, Mayo 18.

Nakita ni Comoda ang bag sa CR sang mall sang Mayo 11 sang hapon kag ginturn over sa security guard.

Ang bag nga ginapanag-iyahan ni Mrs. Juliet Hallara sang Brgy. Inangayan, Sta. Barbara, ang naga-unod sang P172,836 nga gin-loan pa sini sa lending company.