Iloilo City: Budget Inn sa Jaro, Ginadudahan nga Ginagamit nga Lugar sang Illegal Drug Activities, suno sa Front Desk sang Hotel!
By: Nemesio Martirez
Ginadudahan nga ginagamit nga lugar sang illegal drug activities ang pila ka kwarto sa Budget Inn sa Jaro. Ini ang ginbuyagyag ni Alyas Angel, front desk sang Inn sa hearing committee on womwn and children sang city council nga ginapamunuan ni Councilor Leizel Joy Salazar kahapon. Suno kay Angel, naga-check in sa Budget Inn ang grupo sang kalalakihan kag nagatiner sang duha tubtob tatlo ka adlaw, makaduha ka beses sa isa ka bulan. Sa tion suno sa iya nga mag-akupar sang kwarto ang grupo, nagaguwa-sulod man sa hotel ang kabataan nga naga-edad sang indi magnubo sa pito ka tuig kag may dala nga plastic ukon bag ukon nagabitbit sang libuhon nga kwarta. Ginapapatihan sang management sang Inn nga naga-repack sang illegal drugs sa isa sa mga kwarto sa Inn ang grupo sang kalalakihan kag ginapadala sa mga menor de edad nga nagaserbi bilang runner. Gina-alegar ni Angel makaduluda gid ang hulag sang mga kalalakihan bangud pamilyar na sa iya ang mga hitsura. Natukiban man nga nagapauli lang sa Barangay Desamparados ang grupo. Ginpahayag ni Angel nga wala sila nagreport sa Philippine Drug Enforcement Agency ukon PDEA bangud sa kahadlok nga dumtan sila.
More Stories
AKSYON BALITA NUMERO UNO SUNDAY EDITION | DECEMBER 3, 2023
https://www.youtube.com/watch?v=PjtsmlLpYpk
“Task Force Puerto” sa Dumangas Port plano buhion
ILOILO — Nagaplano ang Iloilo Provincial Government nga buhion ang Task Force Puerto sa Dumangas. Katuyuan sini nga matapna ang...
Disyembre 4 holiday sa Santa Barbara, Iloilo
ILOILO —Nagpaguwa si Santa Barbara, Iloilo Mayor Dennis Superficial sang Executive Order No. 69 series of 2023 nga nagadeklarar sang...
Bana patay, asawa pilason sa aksidente sa San Miguel, Iloilo
ILOILO —Patay ang bana samtang ginabulong pa ang iya asawa sang nabungguan sang taxi ang ginasakyan nila nga motorsiklo sa...
Issue sa mining exploration sa Pan de Azucar Island sa Concepcion, Iloilo nakalab-ut na kay Gov. Defensor
ILOILO – Nakalab-ot na sa atensyon ni Governor Arthur Defensor, Jr. ang mining exploration nga ginahimo sang isa ka kompaniya...
Masobra P1 million nga balor sang suspected shabu na-recover sa drug buy bust sa Jaro
ILOILO CITY – Duha ang nadakpan sa drug buy bust operation sang City Drug Enforcement Unit sa Zone 1 Brgy....
Average Rating