Iloilo City: Pito ka Miembro sang Pamilya sang Muslim sa Molo, Na-ospital matapos Nahilo sa Ginkaun nga Sud-an!

By: Jocelyn Gelloagan-Maque

Naospital ang 7 ka miembro sang pamilya sang muslim sa San Juan, Molo matapos nahilo sa ginkaun nila nga karne prita nga ginpahayag ginluto pa sa Mindanao.

Dala ni Hamid Bagol nga naghalin sa Lanao Del Norte ang karne prita nga amo ginpanihapon sang pamilya pasado las 6 kagab-i.

Las 9 sang gab-i nagbatyag sang pagsuka kag paglingin sang ulo ang 7 ka miembro sang pamilya nga nakakaun sang amo sud-an.

Gindala ang mga ini sa West Visayas State University Medical Center (WVSUMC).