May 24, 2022

Capiz: Headquarter sang 3rd Maneuver Platoon sang CPPO-Public Safety Company, ginsulong sang armado nga mga lalaki

Read Time:46 Second

By: Aine Grace Bravo

Gin-harass sang mga armado nga kalalakihan ang headquarter sang 3rd Maneuver Platoon sang Capiz Police Provincial Office-Public Safety Company sa Brgy. Bungsuan, Dumarao kagab-i.

Suno kay Inspector Amy Bulaquenia, OIC sang Dumarao PNP, ginabanta sa 30 ka armado nga kalalakihan ang nagsulong kag naka-engkuwentro sang kapulisan. Ginpahayag nga una nagpalupok ang gin-alegar sniper sang armado nga grupo nga nagresulta sa pagka-igo kay PO3 Jomer Ombiga, 35 anyos sang Sapian, Capiz.

Naglawig sang halos isa ka oras ang engkuwentro. May na-recover nga 86 ka nagkalain-lain nga bala sa lugar. Indi naman madeterminar kon may napilasan sa mga miembro sang armado nga grupo. Magluwas kag PO3 Ombiga nga may pilas sa tuo nga paa, nadaplisan man sang nagtalang nga bala ang tuo nga kumalagko sang 40-anyos nga lalaki nga nagaistar malapit sa lugar. Padayon nga ginabulong sa ospital sa Roxas City si PO3 Ombiga.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo: Van sang Goldilock, ginsunog sang Ginapatihan Miembro sang NPA!
Next post Iloilo: Independence Day Celebration, ginhatagan sang 10 nga grado ni Provincial Administrator Raul Banias