Iloilo: Independence Day Celebration, ginhatagan sang 10 nga grado ni Provincial Administrator Raul Banias

By: Aine Grace Bravo

Ginhatagan ni Provincial Administrator Raul Banias sang 10 nga grado sa scale nga 1-10 kag 10 ang pinakamataas ang madinalag-un nga pag-host sang Iloilo sa ika-117 nga Independence Day Celebration sa Sta. Barbara kag vin d’ honneur sa Casa Real de Ilolio.

Suno kay Banias, wala sang mayor nga mga problema sa pagbisita sang pangulo para sa Independence Day Celebration kag pag-inspeksyon sang mga proyekto. Nangin matahum suno sa iya ang programa sa Sta. Barbara kag maayo man ang feedback halin sa mga miembro sang diplomatic corp sa vin d ‘ honneur sa daan nga kapitolyo.

Ginpahayag ni Banias nga bisan ang spokesman sang diplomatic corp nga ambassador sang Bangladesh ang nagpahayag nga ang vin d’ honneur sa Iloilo ang may pinakamadamo nga nagtambong nga diplomats base sa iya experiensiya.