Iloilo: Mag-asawa nga Meat dealer, Ginhold-up sa Sta. Barbara!

By: Jocelyn Gelloagan-Maque

Nagapabilin nga at large ang mga suspect nga naghold-up sa mag-asawa nga meat dealer sa Fairville Subdivision sa Barangay Bulong Oeste, Sta Barbara kaina sang kaagahon.

Ginpahayag ni Inspector Ramil Jacaba sang Sta Barbara PNP, nagapaguwa sa ila balay ang mag-asawa nga sanday Ananias Borromeo, Jr, 48-anyos kag asawa nga si Maria Rizza, 45-anyos padulong sa ila puwesto sa merkado sang gintayaan sang duha ka mga suspect sang pusil kag kutsilyo.

Nakuha sa mga biktima ang bag nga naga-unod sang P8,000, relo kag liyabe.

Wala naman nakuha sang mga suspect ang P30,000 nga yara sa bulsa sang bana.

Gindala pa sang mga suspetsado ang motorsiklo sang mag-asawa padulong sa Leganes.