Iloilo City: Lalaki, Patay sa Pagpangluthang sa Molo!
By: Jocelyn Gelloagan-Maque
Patay ang wala pa nakilala nga lalaki sa pagpangluthang sa Crossing Maling, Barangay Boulevard, Molo kagab-i.
Ginpahayag nga nagapungko ang biktima sa waiting shed sang may nabatian nga sunod-sunod nga lupok sang pusil.
May igo ang biktima sa wala nga siko, sag-ang, tiyan kag tuo nga abaga. Yara na ang bangkay sang biktima sa St. Therese Memorial Chapel.
Nakasuksok ini sang itom nga t-shirt kag itom nga kalo kag ginabanta naga-edad sang 25 tubtub 30 anyos.