Bacolod City, Neg. Occ: (UPDATE) 10 ka mga Tawo nga Nadalahig sa Pagtiro Patay kay BM Renato Malaborkag iya Security Aide, Ginkasuhan na!

By: Jocelyn Gelloagan-Maque

Ginkasuhan na ang 10 ka tawo may kaangtanan sa pagtiro patay kay Board Member Renato Malabor sang Negros Occidental kag sa iya security aide nga si Leody Jomilla.

Lakip sa ginkasuhan sang double murder sa Negros Occidental Provincial Prosecutors Office ang pulis.

Ginkonfirmar ni Senior Superintendent Peter Naboye, hepe sang Regional Criminal Investigation and Detection Unit, nga lakip sa ginkasuhan sanday Po1 Robert Chloe Rito, Jacklyn Villaquer, Felipe Juntarciego, alyas Bongbong, alyas Taming, alyas Nonoy, alyas Jason kag tatlo ka John Does.

Gintudlo sang tatlo ka testigo nga gunman si po1 rito kag ginpahayag nga wala na naka-duty.