Babaye, patay matapos aksidente nga natiruhan sang iya manghud nga lalaki nga tuyo mag-suicide

Iloilo City–Napatay ang babaye nga aksidente nga natiruhan sang iya manghud nga lalaki nga tuyo magpanginmatay sa Jaro kagab-i.

Ginpahayag nga nakita sang biktima nga si Elvira Amihan, 45-anyos, ang manghud nga si Bobby Bibanco, 27-anyos, nga ginatutok ang pusil sa iya ulo gani iya ginpunggan. Apang naglupok ang pusil kag naigo sa dughan si Elvira.

Gindala pa sa ospital si Elvira apang napatay pasado alas-2 kaina sang kaagahon. Preso naman sa karsel sang Jaro PNP si Bibanco. (Aine Grace Bravo)