24-anyos nga lalaki, nag-suicide matapos gin-alegar nga wala ginhatagan sang inugbakal sang illegal drugs

Sara, Iloilo–Gindayon sang 24-anyos nga lalaki ang pamahug nga mag-suicide matapos wala ginhatagan sang iya iloy sang inugbakal sang ginadumilian nga druga.

Nakita na lang kahapon sang kaagahon nga nakabitay sa balayan sang ila balay si Manny Monserate sang Barangay Poblacion, Sara. Suno kay PO2 Wary Suerte sang Sara PNP, patay na si Monserate pag-abot sa Sara District Hospital.

Ginpahayag nga madugay na nga nagagamit sang illegal nga druga si Monserate. Nagpahubog kag nagmaoy pa si Monserate antes ini nasapwan. (Aine Grace Bravo)