Disaster Risk Reduction Framework, gin-adoptar sa pagtakup sang 9th Senior Disaster Management Officials’ Forum sa nagapadayon nga APEC meetings sa syudad

Iloilo City— Gin-adoptar sa 9th Senior Disaster Management Officials’ Forum (SDMOF) ang APEC disaster risk reduction (DRR) framework bilang estratehiya sa pagtukod sang mga resilient economies.

Gin-anunsyar ini ni Undersecretary Alexander Pama sang National Disaster Risk Reduction and Management Council (NDRRMC) sa pagtapos sang duha ka adlaw nga forum kahapon sa Iloilo Convention Center. Ini ang labing una nga framework nga gin-adoptar sang mga senior emergency and disaster management officials halin sa 21-member economies.

Maga-promote ang framework sang kooperasyon sa mga Asia-Pacific countries paagi sa paghatag sang common direction agud mabatuan ang pamahug sang mga kalamidad. Katuyuan sang forum nga ma-endorso sa mga economic leaders ang framework bilang bag-o nga modelo sa pagbatu kag pagpahagan-hagan sa epekto sang mga kalamidad nga nalakip sa APEC agenda. (Aine Grace Bravo)