Sta. Barbara Mayor Dennis Superficial, nagreklamo sa kakulang sang tubig sa ginahiwat nga Boy Scout Provincial Jamboree

Sta. Barbara, Iloilo — Kakulang sang tubig ang nagapanguna nga problema sang masobra 6 mil ka mga boy scouts nga nagpasakop sa Provincial Jamboree sa Barangay Camambogan.

Nagpangayo sang bulig si Sta. Barbara Mayor Dennis Superficial sa chinese federation nga rasyonan sang tubig ang site apang wala ginpasugtan sang Metro Iloilo Water District (MIWD) bangud para lang sa mga delegado sang APEC ang tubig.

Indi man magamit suno kay Superficial ang fire truck sang banwa bangud naka-display sa syudad halin pa sang Setyembre 21 agud magbantay sang APEC Ministerial Meetings.  (JoMaque)