Resthouse ni former Gov. Exequiel Javier sa Hamtic, Antique, gin-straffing!

Antique — Ginasunod sang Philippine National Police ang anggulo nga politika ang rason sa pagpinalupok sa Antique.

Kasunod ini sa pag-straffing sa resthouse ni former Governor Exequiel Javier sa Barangay La Paz, Hamtic sang Sabado, Oktubre 17 sang kaagahon.

Na-recover sa lugar suno kay Senior Inspector Christopher Candelario ang 21 ka baseyo sang M16 rifle.

Wala naman sang naigo nga tawo sa insidente magluwas lang sa kuwarto sang resthouse bangud ang caretaker naga-istar sa isa ka payag nga malayo sa resthouse sang anay gobernador.

Ginapatihan ni Candelario nga ang mga suspek nga nag-straffing nagasakay sa pribado nga salakyan samtang sa amo man nga petsa may nagpinalupok sang pusil sa Sibalom kag na-recover ang 9 ka baseyo sang bala.

Wala ginadula ni Candelario ang anggulo nga politika ang motibo sa straffing bangud bag-o lang natapos ang filing sang certificate of candidacy sang mga kandidato.  (JoMaque)