Bata sang SB Member sa Estancia, patay matapos nagbato sa mga miembro sang Regional Special Operations Group sa drug operation!

Estancia, Iloilo — Patay ang bata sang incumbent Sangguniang Bayan (SB) member sa Estancia matapos nagbatu sa mga katapu sang Regional Special Operations Group (RSOG) sa gin-conduct nga drug operation kaina.

Ginkilala ang napatay kay Cloyd Philip Matta-Gealon, 31-anyos sang Barangay Botongaon kag bata ni SB member Jackielyn Matta-Gealon.

Ginpahayag nga nagbatu ang biktima sa mga operatiba sang RSOG sang ginserbihan sang search warrant ang iya tiyo nga si Lyndon Matta sa Barangay Bayuyan kaina sang aga.

Narecover sang RSOG ang isa ka 38 revolver, isa ka 12-gauge shotgun, isa ka magazine sang .45 caliber pistol, 5 ka sachets sang suspected shabu kag mga drug paraphernalia.

Nadakpan man sa operation ang apat pa ka mga indibidwal kag pasakaan sang kaso nga visiting drug den.

Samtang, ginpanghiwala naman ni SM member Matta-Gealon nga involved sa illegal drugs ang iya bata.

Seaman suno sa iya ang iya bata kag bag-o lang nakapanaug sa barko. Nagpanawagan ini sang hustisya sa kamatayon sang iya bata.  (JoMaque)