Governor Art Defensor, ginpasalig ang pagpadayon sang matinlo kag hayag nga pang-gobierno sa iya SOPA

Iloilo City — Padayunon ni Governor Arthur Defensor ang Reform and Change ukon matinlo kag hayag nga pang-gobierno sa probinsya.

Kaundan ini sang State of the Province Address (SOPA) ni Defensor sa iya ika-6 ka tuig nga pagpangalagad bilang gobernador umpisa sang 2010.

Nag-file sang certificate of candidacy si Defensor kag kon palaron nga liwat mapilian, iya padayunon ang wala natapos nga mga programa sa probinsya sa sulod sang tatlo pa ka tuig.

Pamatuod sang matinlo kag hayaga nga pang-gobierno suno kay Defensor ang pagbaton sang probinsya sang Seal of Good Governance award halin sa Department of Interior and Local Government (DILG). (JoMaque)