Iloy sang ginatudlo involved sa carnapping nga si Charmaine Morata, nangin emotional sa pagkadakop sa iya bata!

Iloilo — (UPDATE) Nangin emotional ang iloy ni Charmaine Morata matapos gindakop ini sang mga police sa kaso nga carnapping.

Suno sa iloy nga si alyas Elsa, wala ini kahibalo sang modus sang iya bata bangud masobra na sa isa ka tuig nga wala ini nakapauli sa ila balay sa San Isidro, Jaro.

Naka-agi suno sa iya sang obra si Charmaine sa Singapore apang tatlo lang ka bulan nga nagtiner matapos nakumbinser sang iya barkada nga magbalik sa Iloilo.

Wala man nakahibalo si Elsa nga naga-isyu sang cheke nga wala sang pundo si Charmaine sa mga tawo nga ginabaklan sini sang salakyan.

Si Charmaine ang gindakop kahapon sang gintingub nga puwersa sang Mandurriao kag Pavia Police sa Barangay Pagsanga-an, Pavia.  (JoMaque)