Pila ka mga Nagpadulong sa City Comelec, wala na nakahingagaw parehistro matapos wala nakaabot sa cut-off time sa last day of registration!!

Iloilo City — (UPDATE) Sa kinaandan, nagdugok ang mga tawo nga naghingagaw sa deadline agud mag-parehistro sa City COMELEC kagab-i.

Suno kay Mr. Jonathan Sayno, election assistant II sang City COMELEC, alas-6 kagab-i sang gin-untat nila ang paghatag sang mga pormas sa mga luyag magpa-rehistro.

Ini bangud nga tuman ka damo sang mga nagpadulong sa ila area sa Robinson’s mall.

Lain-lain suno sa iya ang katuyuan sang mga nagpadulong sa COMELEC kagab-i.

May mga registered voters na nga nagpa-capture na lang sang biometrics data agud makaboto sa masunod nga tuig nga piniliay, may mga nagsaylo sang registration kag may mga nag-ilis sang data sa ila record. (JoMaque)