Menor de edad nga Lalaki, patay sang natiruhan sa Janiuay!

Janiuay, Iloilo – Nakapalagyo ang ginatudlo suspek sa pagtiro-patay sa menor de edad nga lalaki samtang nadakpan ang ginpahayag nagbuno patay sa 75-anyos nga tigulang sa Barangay Damo-ang Janiuay kahapon sang hapon.  kadungan sang All Saint’s Day.

Wala nadakpan suno kay Inspector Kenneth Bermejo sang Janiuay PNP ang suspek nga si Romeo Novillas samtang nadakpan si Felix Novillas nga nagbuno kay Hermigildo Delgado sang amo man nga barangay.

Magluwas kay Felix Novillas, gin-aresto man sanday Arnold Catedral, Anthony Baliaran, Reynan Castro kag Rogelio Novillas.

Ginpahayag nga nakastiguhan si Catedral sang naglabay sa lugar kon sa diin naga-inom inom kanday Castro.

Nagsulod sa balay ni Romeo Novillas si Catedral agud magpangayo kuntani sang bulig apang ginsunod ni Castro kabangdanan nga ini ang gintiro apang ang iya utod nga menor de edad ang naigo sa dughan.

Nagpalapit man si Delgado agud magtambag kuntani sa kinagamo apang ini ang nabun-an ni Felix Novillas.  (JoMaque)