Nadakpan nga drug personality sa Pavia, todo panghiwala nga gintulon ang pila ka sachet sang suspected shabu!

Pavia, Iloilo — Dakop sa buybust operation sa Barangay Tigum ang ginatudlo drug personality nga si Vicente Francileso, Jr. sang Barangay Mali-ao.

Nabaklan si Francileso sang P400 nga balor sang suspected shabu.

Narecover pa gfid sa iya ang duha ka plastic sachet sang suspected shabu, P650 pesos nga cash kag isa ka cellphone.

Gin-ako ni Francileso nga nagagamit siya sang illegal nga druga apang ginpanghiwala nga gintulon niya ang pila ka plastic sachet sang shabu sang napalibutan na sang mga police.

Iya man gin-ako nga nagakuha siya sng supply sa Jaro kag ginabaligya sa mga barangay sang Mali-ao, Tigum kag Poblacion, Pavia. (JoMaque)