1 patay, 1 pilason sa pagpangbuno sa Ajuy!

Ajuy, Iloilo–Isa ang patay kag isa ang pilason sa stabbing incident sa Barangay Pili sang All Saints’ Day.

Gintudlo si Ronald Yusi, truck driver kag tumandok sang Mabalacat, Pampanga, nga nagbuno gamit ang buka nga botelya sa mga biktima nga sanday Ederly Masangcay, 31-anyos sang San Luis, Pampanga kag Mark Ruben Macamba, 22-anyos sang Payatas, Concepcion, Tarlac. Temporaryo nga naga-istar sa Barangay Pili ang tatlo ka mga lalaki kag naga-inom inom sang nagluntad ang insidente.

Napilasan sa wala nga parte sang dughan si Masangcay kag dead-on-arrival sa ospital samtang napilasan sa wala nga dulunggan si Macamba. Boluntaruyo nga nag-surrender kay Pili Punong Barangay Romeo Bolinas si Yusi kag ginturn-over sa Ajuy Police Station. (Aine Grace Bravo)