Bayan Muna Party-list Rep. Neri Colmenares, maga-file sang resolution agud imbestigaran ang “tanim-bala” scam sa NAIA!

Iloilo City — Maga-file sang resolution si Bayan Muna Party-list Representative Neri Colmenares agud imbestigaran ang tanim-bala nga modus sa Ninoy Aquino International Airport (NAIA) kag iban pa nga paluparan.

Nagaduda si Colmenares nga involved sa modus ang pila ka matag-as nga opisyal sa gobyerno.

Pa-athag sang kongresista, madugay na nga nagakatabu ang tanim-bala scam apang wala gid sang aksyon ang gobyerno gani posible nga may kakuntsaba nga mataas nga opisyal.

Iduso man ni Colmenares nga amendaran ang Firearms law ilabe na ang probisyon nga kasuhan gid sang illegal possession of ammunition ang makuhaan bisan isa lang ka bala.

Pila ka fiscal suno kay Colmenares ang nagamuno man nga daku nga oras nila ang makaun sa pag-uyat sang kaso nga matukiban man lang sa ulihi nga ginagamit nga amulet ukon “anting-anting” sang akusado. (JoMaque)