Iloilo City Council, magahimo sang closed-door deliberation para sa confirmation sang appointment sang bag-o nga City Tourism Officer

Iloilo City–Magahimo sang closed-door deliberation ang city council sa pagpahamtang kay Junel Ann Divinagracia bilang bag-o nga City Tourism Officer.

Ginpahayag ni Councilor R. Leone Gerochi nga may mga sensitibo nga issues nga gin-raise ang pila ka mga konsehal sa appointment kay Divinagracia nga kinahanglan pa nila istoryahan. Una na ginpa-iway ang confirmation sa appointment ni Divinagracia para sa amo nga posisyon.

Si Divinagracia ang head sang Local Committee nga nagbulig sa pag-host sang siyudad sang Asia-Pacific Economic Cooperation (APEC) meetings. Ginkatingala naman sang kadam-an ang pagpamalabag sang kadam-an sa mga konsehal nga ma-confirm ang appointment ni Divinagracia bangud mismo si Mayor Jed Patrick Mabilog ang backer sini.

Si Divinagracia ang nagbulos kay Ben Jimena nga nagretiro sang damlag lang. Halin sa salary grade 11, naglumpat sa salary grade 26 nga may 58 mil pesos nga suweldo kada bulan si Divinagracia kasunod sang pagpahamtang sa iya bilang City Tourism Officer. (Aine Grace Bravo)