Duha ka balay, nasunog sa Arevalo!
Iloilo City — Naupos sa sunog ang duha balay sa Barangay Sta. Cruz, Arevalo kaina sang aga.
Sa pagpangusisa sang Bureau of Fire Protection, naghalin ang kalayo sa balay ni Melody Gernel, 24 anyos sa ginbayaan sini nga tinig-ang.
Nadalahig naman sa sunog ang balay ni Magdalena Abastillas, 75 anyos.
Wala gid sang may nasalbar nga kagamitan ang mga tag-iya sang balay.
Ginabanta sa P100,000 ang balor sang kahalitan sa sunog. (JoMaque)